POSITIBO AT NEGATIBONG EPEKTO NG SOCIAL NETWORKING SA MGA KABATAAN

Kompyuter

Internet

Networking Websites (Facebook, Twitter, Skype)

Napapadali ang komunikas - yon

Libangan

Nakakakilala ng mga bagong kaibigan

Mapagkaka - kitaan

Mabuting naidudulot sa tao sa pagsali sa Social Networking Sites

Kompyuter

Internet



Libangan


Mapagkaka - kitaan


18

GINGOOG CHRISTIAN COLLEGE
Gingoog City

Papel ng Pananaliksik
(Ang Positibo at Negatibong Epekto ng Social Networking Websites sa mga Piling Mag – aaral sa Unang Taon ng Edukasyon ng Gingoog Christian College)

Ipinasa ni:
Jemenia, Lovely Rose P.
Mag - aaral

Ipinasa kay:
Gng. Arlene A. Micu
Guro
TALAAN NG NILALAMAN
KABANATA I
Panimula ……………………………………………………………….. 1
Balangkas Teoritikal …………………………………………………. 3
Layunin ng Pag – aaral ……………………………………………… 3
Kahalagahan ng Pag – aaral ……………………………………….. 4
Tesis na Pahayag …………………………………………………….. 4
Saklaw at Delimitasyon ……………………………………………… 4
Depinisyon ng mga Terminolohiya ……………………………….. 5
KABANATA II
Mga Kaugnay na Pag – aaral at Literatura ………………………. 6
KABANATA III
Metodolohiya …………………………………………………………. 9
Instrumento …………………………………………………………... 9
Respondente …………………………………………………………. 9
Instrumentong Pampanaliksik ……………………………………. 9
Tritment ng mga Datos …………………………………………….. 9
KABANATA IV
Presentasyon at Interpretasyon ng mga Datos ……………… 10
KABANATA V
Lagom ………………………………………………………………... 14
Konklusyon …………………………………………………………. 14
Rekomendasyon …………………………………………………… 15
Listahan ng Sanggunian …………………………………………. 18
KABANATA VI
Sarbey – Kwestyuneyr …………………………………………….. 19
KABANATA I
PANIMULA
Ang social networking websites ay isa sa kinahuhumalingan ng napakaraming kabataan ngayon. Ito ay maituturing na makabagong paraan ng komunikasyon sapagkat dito mo mahahanap o matatagpuan ang mga taong matagal munang gustong makita pero wala naman kayong kumunikasyon sa isa't isa. Sa mga sites na ito ka din makakahanap ng bagong kaibigan at kakilala at makakasagap ng mga bagong balita maging ito man ay international, local, sports o entertainment. Wala na yatang kabataan ang walang account o di kaya ay pamilyar sa mga websites na ito.
Ayon kina Boyd at Ellison 2007, ang mga social networking sites ay mga serbisyong well – based na pinahihintulutan ang mga indibidwal na gumawa ng mga pribado o pampublikong profayl sa loob ng sistema, pinahihintulutan ang mga gumagamit na makita ang listahan ng kanilang koneksyon at makita ang ginagawa ng iba pang tagatangkilik.Tumutukoy ito sa mga sites tulad ng Facebook, Twitter, Instagram, Skype, Yahoo, at iba pa. Ilan lang ang mga nabanggit sa napakaraming social networking sites na kumakalat ngayon sa internet. Ang internet ay isang tsanel kung saan madalian kang makakasagap ng impormasyon at madali ring makakapagbigay nito. Isa sa pinakapakinabang nito ay ang pakikipagkumunikasyon sa mga taong malayo sa atin. Dahil sa pagkauso nito dala ng malakas na impluwensya, marami sa mga kabataan ang lubos na nahuhumaling dito. Ganap na sikat ang mga nabanggit na websites, ngunit ano nga ba ang epekto ng social networking websites sa pananaw, pag – uugali at ideya ng mga tao, particular na ng mga kabataan ngayon?
Isa sa mabuting epekto ng mga nabanggit na websites ay ang easy access o madaling paraan upang makapaglaganap o makapag bahagi ng impormasyon. Mga balita na interesadong malaman ng lahat, kagaya ng suspensyon ng klase, mga balita tungkol sa gobyerno o mga artikulo. Sa kabilang dako naman ay mas lalong nagiging bukas ang isipan ng mga kabataan sa pakikipagkapwa o pakikipag kaibigan. Minsan kahit hindi nila personal na kilala ay kanilang ina- add as friend o idinadagdag sa mga taong maaring makita ang laman ng kanilang profile. Kaya nga minsan madalas na nagkakapikunan ang mga kabataan sa mga post na hindi nila gusto, at madalas itong humahantong sa batuhan ng mga mararahas at hindi kanais nais na salita Minsan naman ay nagiging masyadong mapanghusga ang mga kabataan ngayon marahil na din samga nakikita nila sa social networking sites na kalayaan sa pagpapahayag kahit nakakasakit na tayo.
Ang Batas Republika Bilang 10175, o mas kilala bilang Cybercrime Prevention Act ng 2012, ay isang batas na tumutukoy at nagpaparusa sa cybercrime o mga krimeng nagaganap sa pamamagitan ng internet upang pigilan at iwasan ang pagdami nito. Nilalayon ng batas na ito na ganap na maiwasan at labanan ang maling paggamit, abuso at iligal na paggamit ng internet sa pamamagitan ng pagtukoy, pag-iimbestiga at sa pagbibigay ng maayos na usapan para sa mas mabilis at maaasahang pakikipag-ugnayang pandaigdigan. Para buuin at ipatupad ang isang planong kaligtasang cyber o cyber security plan, bubuuin ang Cyber Investigation and Coordinating Center (CICC). Dahil ang social networking sites, gaano man kapribado ang iyong account, ay napapabilang sa public domain. Ang mga blog na iyong nababasa – kahit pa personal blog ito – ay nasa pampublikong diskurso pa rin. Ang iyong Facebook at Twitter account – kahit sandamakmak ang privacy settings niyan – ay napapabilang pa rin sa public domain. Ibig sabihin, maaring makita ng kahit sino ang iyong mga inilalagay na larawan at mga status.Pinalalabas ng rehimen na ang Cybercrime Prevention Law ay laban sa mga krimen na isinasagawa sa internet tulad ng pornograpiya na nambibiktima ng mga bata, pagnanakaw ng identidad at iba pa. Pero ang tunay na sinisikil ng batas na ito ay ang karapatan ng mga ordinaryong mamamayan sa privacy sa internet, sa kalayaan sa pagpapahayag at kalayaan sa pamamahayag. Gamit ang Cybercrime Prevention Law, maaari nang ipasara ng rehimen ang mga website o harangin ang mga blog at account ng mga Pilipino sa mga social networking site na hindi umaayon sa mga pamantayan.
Maraming epekto sa ating pag-uugali ang mga social networking sites kaya't kung maaari ay atin itong iwasan at limitahan, alamin ang hangganan kung makakasakit na tayo ng kapwa. Maraming mabubuting epekto at pakinabang ito,nakadepende na rin minsan sa gumagamit. Isa pa sa masasamang epekto nito ay ang pagbawas ng produktibidad ng mga kabataan, ang sobrang pagkahumaling dito ay nakakabawas ng oras ng mga kabataan sa mas importanteng bagay na mas dapat pagbuhusan ng pansin. Gaya ng pag-aaral, mga gawaing pangbahay at iba pa. Isa pa sanegatibong epekto nito ay ang kawalan ng privacy ngmga kabataan sa sobrang pagbibigay ng impormasyon sa kanilang profile.Sa kabila ng mga negatibong epekto nito masasabing malaki ang tulong nito sa tao, lalo sa kabataan ngayon.
Sa kabuuan ng paksang ito masasabing ang pagamit ng mga website na nabanggit ay nakadepende sa gumagamit. Dapat nating pag-isipan ang lahat ng ating gagawin sa mga social networking sites lalo na kung maraming tao ang nakakakita nito ika nga nila "Think before you click".
BALANGKAS TEORITIKAL

LAYUNIN NG PAG – AARAL
Ang paksa ng pananaliksik na ito ay ang mga positibo at negatibong epekto na dulot ng social networking websites sa mga kabataan. Ito ay madalas na nabibigyan ng negatibong kritisismo at hindi napapansin ng karamihan ang magagandang dulot ng mga ito.
Layon din ng pag – aaral na ito na matukoy at maipabatid sa lahat ang epekto ng pagsali sa mga sites na ito. Ang papel ay naglalarawan sa pananaw, kaugalian at ideya ng mga piling mag – aaral sa unang taon ng Edukasyon ng Gingoog Christian College.
Nais ihatid ng mga mananaliksik ang mga sumusunod na layunin. Kung ano ang kadalasang kasarian ng mga gumagamit ng social networking sites, kung anong uri ng social networking sites ang kanilang ginagamit at kung ilang oras ang kanilang nagugugol sa pagbisita sa mga sites na ito. Nais din nilang malaman kung ang kanilang mga akawnts ay pribado o pampubliko at na maaari itong makatulong upang maiwasan ang umiiral na panloloko gamit ang social networking sites.

KAHALAGAHAN NG PAG - AARAL
Naniniwala ng lubos ang mga mananaliksik na ang pag – aaral na ito ay mahalaga sa lipunan. Ang pamanahong papel na ito ay makakatulong sa mga estudyante upang maintindihan ang mga epekto ng mga internet site sa mga tao lalo na sa kabataan. Ito rin ay makakatulong sa mga magulang upang malaman nila ang mga adbentahe at disadbentahe sa pagbisita sa mga site na ito.
Idagdag pa dito, makakatulong din ang pag – aaral na ito sa iba pang mananaliksik na may kaparehong paksa. Maaari ring makakalap ng mga mahahalagang impormasyon dito ang mga guro at administrador ng paaralan para gamitin ang mga social networking website bilang isang kagamitan sa pagtuturo.

TESIS NA PAHAYAG
Ano ang positibo at negatibong epekto ng social networking sites sa mga piling studyante ng 1st year studyante ng edukasyon ng Gingoog Christian College?

SAKLAW/DELIMITASYON
Ang pananaliksik na ito ay tumutukoy lamang sa mga networking websites na kagaya ng, Facebook, Twitter, Instagram, Yahoo at Skype. Gayundin, ang mga respondante nito ay limitado lamang sa mga mag – aaral sa unang taon ng Edukasyon ng Gingoog Christian College at hindi aabot o lalampas sa iba pang kolehiyo. Gayunpaman, hindi nililimitahan ng pag-aaral na ito ang kasarian at edad ng mga respondente.

DEPINISYON NG MGA TERMINOLOHIYA
Facebook - Ang Facebook ay isang social networking website na libre ang pagsali at pinapatakbo at pag-aari ng Facebook, Inc. na isang pampublikong kompanya. Maaaring sumali ang mga tagagamit dito nakaayos ayon sa lungsod, pinagtratrabahuan, paaralan at rehiyon upang makakonekta at makihalubilo sa ibang mga tao. Maaaring magdagdag rin ng mga kaibigan at magpadala ng mensahe sa kanila, at baguhin ang kanilang sariling sanaysay upang ipagbigay-alam sa kanilang mga kaibigan ang tungkol sa kanilang sarili.
Twitter - Ang Twitter ay isang social networking at microblogging na serbisyo na nagbibigay kakayahan sa gumagamit nito na magpadala at basahin ang mga mensahe na kilala bilang mga tweets. Ang mga tweets ay ang mga text-based na mga post ng hanggang 140 mga karakter na ipinapapakita sa pahina ng profile ng may-kda at inihahatid sa mga tagatangkilik sa may-akda nakilala bilang mga followers (tagasunod).
Instagram - Ang Instagram ay isang online mobile na serbisyong photo-sharing, video-sharing at social networking na nagbibigay-pahintulot sa mga gumagamit na kumuha ng mga larawan at bidyo, at ibahagi ang mga ito sa iba't ibang plataporma ng social networking, gaya ng Facebook, Twitter, Tumblr at Flickr. Maaari ring maglapat ang mga gumagamit nito ng mga digital filters sa kanilang mga imahe. Ang pinakamahabang oras para sa mga bidyo sa Instagram ay 15 segundo.
Skype - Ang Skype ay isang pang-telekomunikasyon na produktong application software para sa pagbibigay ng serbisyong video chat at pagtatawag galing sa mga kompyuter, tablet, at kagamitang hinahawak sa pamamagitan ng internet. Ang Skype ay itinatag noong Agosto 2003 nina Janus Friis at Niklas Zennström. Matatagpuan ang punong-himpilan saLuxembourg. Ang Skype ay naging dibisyon ng Microsoft Corporation noong Mayo 2011.
Cybercrime Prevention Law - Ang Batas Republika Bilang 10175, o mas kilala bilang Cybercrime Prevention Act ng 2012, ay isang batas na tumutukoy at nagpaparusa sa cybercrime o mga krimeng nagaganap sa pamamagitan ng Internet upang pigilan at iwasan ang pagdami nito. Nilalayon ng batas na ito na ganap na maiwasan at labanan ang maling paggamit, abuso at iligal na paggamit ng internet sa pamamagitan ng pagtukoy, pag-iimbestiga at pagsuplong ng kapwa sa lokal o pandaigdigang antas, at sa pagbibigay ng maayos na usapan para sa mas mabilis at maaasahang pakikipag-ugnayang pandaigdigan.
KABANATA II
MGA KAUGNAY NA PAG – AARAL AT LITERATURA
Ayon kina Boyd at Ellison (2007), ang social networking sites ay mga serbisyong pangpublikong nagrerehistro (ayon sa www.gartner .com) na nakapaloob sa isang system, pinahihintulutan na makita ang mga profile ng isang idibidwal na kasama niya sa system. Idinagdag pa ng mga manunulat na ang social networking ay nagiging patok sa publiko dahil pinapayagan nito ang isang indibiwal na makilala ang ibang tao.
Mayroong pag-aaral na ang bawat kompyuter na magkakaugnay ay maaaring maging basehan para sa interaksyong sosyal na pagsulong ng kagamitan ng kompyuter sa pakikihalubilo. Ayon sa Wikipedia.org, nagsimula ang pagtayo ng isang websayt kung saan ang mga miyembro nito ay makahahanap ng kanilang mga lumang kaklase at magkaroon ng komunikasyon sa pagitan nila. Ayon sa isang University (2007), si Randy Conrads ang gumawa ng websayt na ito. Sa karagdagan, sinabi ng Classmates.com na ng kumpanyang ito ay pinagkikita muli ang mga residente ng Estados Unidos at Canada na siyang naging kamag-aral o kasama nila noong sila'y nagaaral, nagtratrabaho o maging ang mga kasama nila sa militar. Ayon kina Boyd at Nicole, ang pag-unlad ng SN ay nagsimula sa websayt na SixDegrees.com. Sa websayt na ito, nabibigyan ng pagkakataon ang mga tao na makagawa ng kaibigan. Pagkatapos naman ng Classmates.com, maraming sumunod na SN tulad ng SixDegrees.com noong 1997, LiveJournal.com noong 1999, Friendster.com noong 2002, Multiply.com at MySpace.com sa taong 2003 at ang Facebook.com naman noong 2004.
Mga Uri ng Social Networking Sites
1. Facebook
Ang Facebook ay isang social networking website na libre ang pagsali at pinapatakbo at pag-aari ng Facebook, Inc. Maaaring sumali ang mga tagagamit dito ayon sa lungsod, pinagtratrabahuan, paaralan at rehiyon upang makakonekta at makihalubilo sa ibang mga tao. Itinatag ni Mark Zuckerberg ang Facebook kasama ang kaklase niya sa agham pangkompyuter at kasama sa kuwartong sina Dustin Moskovitz at Chris Hughes habang mag-aaral pa siya ng Pamantasan ng Harvard. Nang kalaunan, lumawak pa ito at napabilang ang kahit sinong mag-aaral ng isang pamantasan, pagkatapos mataas na paaralan at, nang tumagal pa, kahit sinong nasa gulang na 13 pataas. Sa kasalukuyan, mayroon na ang Facebook ng higit sa 200 milyong aktibong tagagamit sa buong mundo.
. 2. Twitter
Ang Twitter ay isang social networking at microblogging na serbisyo na nagbibigay kakayahan sa gumagamit nito na magpadala at basahin ang mga mensahe na kilala bilang mga tweets. Ang mga tweets ay ang mga text-based na mga post ng hanggang 140 mga karakter na ipinapapakita sa pahina ng profile ng may-kda at inihahatid sa mga tagatangkilik sa may-akda nakilala bilang mga followers (tagasunod). Maaaring rendahan ng tagagamit ang pagpapadala sa kanilang mga kaibigin, o sa pamamagitan ng default, kung saan maaaring makita ng lahat.
Mga kagamitan para magkaroon ng Social Networking
1. Kompyuter
Ayon sa Wikipedia, ang kompyuter ay isang uri ng mekanismong ang ginagawa ay mangasiwa ng mga datos ayon sa mga panuto. Sa karagdagan, ang programa na isang termino sa pag-iimbak at pangangasiwa ng mga panuto ay isang katangian ng kompyuter.Isang magandang katangian nito ay ang pagsasa-ayos ng mga impormasyon sa iba't ibang lugar. Ang kompyuter network na nabuo ay tinawag na internet. Sa pamamagitan ng koneksyon sa internet, maaaring makapasok o makapagbigay daan sa mga website na may kinalaman sa social networking.
2. Internet
Ang Internet ay malawakang pangmadlang daan na pinagsama-samang kompyuter networks na naghahatid ng datos sa pamamagitan ng pocket switching na gumagamit ng pamantayang Internet Protocol(IP). Ito ay isang "network of networks" na binubuo ng milyon na maliliit na networks sa larangan ng pantahanan, pampaaralan, pangangalakal, pampamahalaan at sosyal na nagdadala ng iba't ibang impormasyon at paglilingkod katulad ng e-mail, online chat, file transfer o paglipat ng salansanan at pinagdugtongdugtong na web pages at iba pang mapagkukunan ng impormasyon ng World Wide Web. Maraming tao o kumpanya ang gumagamit ng web logs o blogs na pangkaraniwang ginagamit bilang online diaries o talaarawan. Mahalaga ang ginagampanang papel ng Internet sa pagpapalawak ng social networking.

Mga Ibinunga ng Social Networking Sites
1. Epekto sa Sarili (Acting Out)
Dahil ang internet ay isang sosyal na midyum, ito ay nahihiligan ng mga teenagers bilang isang bagay o maaaring pangyayari upang mapag-usapan ang isang isyung pangmadla. Kadalasan, ang komunikasyon sa internet ay nauugnay sa madalas na paggamit ng mga insulto, mga mura, at agresibong pananalita. (Wallace,2000). Sa karagdagan, ang SN ay nagdudulot ng adiksyon sa sarili at ito ay ipinapakita sa dalawang klase ng gumagamit ng Internet, ang dependent at independent. Ayon kay Young(1996), ang dependent ay gumugugol ng 39 oras sa Internet para sa sosyal na pakikipag-usap at pakikihalubilo. Samantala, ang independent naman ay kumokonsumo ng 5 oras para sa netsurfing o e-mail lamang. Kadalasan ay ang mga malungkot, binubukod, o walang kakahayan sa larangang sosyal ang apektado ng adiksyong ito. Sa mga nasabi ni Young, makikita pa rin na mas mahina itong adiksyon na ito kung ikukumpara sa mga lasenggo o durugista.
2. Epekto sa Pamilya (Pagbukod at Depresyon)
Dahil sa pagiging tapat ng relasyon sa internet, ang mga potensyal na pakinabang at disadbentahe ng internet ay kaduda-duda. Ayon kay Kraut at kanyang mga kasamahan (1998), sa isang longitudinal na pag-aaral sa 73 pamilya, nalaman nila na ang paggamit ng internet ay may kinalaman sa pagtaas ng depresyon at pagdalang sa ugnayan sa mga kaibigan at pamilya.
3. Epekto sa Lipunan
Maraming epekto ang social networkingsa lipunan. Una, mas malalaman ng mga teenager ang mga pangyayari sa kasalukuyan at sa mundo sa ibang mga komunidad. Sa karagdagan, nagkakaroon ng pagtaas ng kamalayan at oportunidad sa mga teenagers na parte ng mga binubukod na grupo at sumasali sa SN. Mayroon rin itong mga masasamang epekto, isa na dito ay ang pagtaas ng aktibismo na tutungo sa aksyong sosyal. Isama pa natin ang cybercrime na ayon sa isang report ng BBC, ay laganap sa buong mundo at mahirap tugisin. Ayon sa ulat ng CSI/FBI Computer Crime and Security(2000), sinasabi na 79% ng mga empleyado ang umaabuso ng Internet sa Estados Unidos at isa sa mga abusong ito ay ang pagdownload ng pornograpiya. Sa karagdagan, sa isang sarbey na ginawa ng NOL poll ng ICM, sinasabing halos lahat ng respondente ay humihiling ng karagdagang control upang maiwasan at panloloko, pornograpiya at pedopilya.
KABANATA III
Metodolohiya
Instrumento:
Ang mga mananaliksik ay gumamit ng isang sarbey na naglalaman ng sampung mga katanungan na maaaring "open" o "close ended". Ang "close ended" na mga katanungan ay naglalaman ng kwantiteytib na sagot. Ang tagatugon ay maaari lamang sumagot gamit ang mga nakalistang pagpipilian at hindi na maaaring lumampas pa doon. Sa kabilang dako naman, ang "open ended" na mga katanungan ay ginagamit kung ang sariling opinyon ng tagatugon ay kinakailangan.
Respondente
Ang naturang sarbey ay ipinamahagi sa 20 na mga tagatugon na kinabibilangan ng mga mag – aaral sa unang taon ng kurosng Edukasyon ng Gingoog Christian College. Sa kabuuan, naibalik ang lahat ng papel sa sarbey. Ang datos ay binigyan ng interpretasyon. Sa karagdagan, ang datos ay nilagay sa mga bahagdan para sa mas magandang pagkakaiba ng mga resulta.
Instrumentong Pampanaliksik
Sa pamamagitan ng sarbey isinagawa ng mga mananaliksik ang pag – aaral na ito. Naghanda ang mga mananaliksik ng sarbey – kwestyuneyr na ipinamahagi nila sa mga estudyanteng nasa unang taon ng kursong edukasyon. Sumangguni rin ang mga mananaliksik sa iba pang mga reperens. Tumungo sila sa internet shop upang kumalap ng karagdagang impormasyon.
Tritment ng mga Datos
Ang mga datos na nakalap ng mga mananaliksik ay sinuri lamang sa pamamagitan ng pagta – tally at paggawa ng mga kaakbay na grap. Ang mga ito ay batay sa mga tanong na sinagutan ng mga respondente. Simple lang ang ginawang pagsusuri sapagkat ito ay isa lamang panimulang pag – aaral.

KABANATA IV
PRESENTASYON AT INTERPRETASYON NG MGA DATOS
Natuklasan ng pag – aaral na ito ang mga sumusunod na datos at impormasyon:
Ipinapakita sa grap 1 ang distribusyon ng mga respondente ayon base sa kung gaano sila kadalas bumibisita sa mga social networking sites. Sa dalawampung (20) respondente, labindalawa (12) ang madalas na bumibisita at pito (7) ang minsan lang bumibisita sa kanilang mga social networking accounts at walang sumagot na hindi. Samakatuwid, mas marami sa respondente ang nagsasabing madalas silang bumisita sa kanilang social networking akawnts at konti lang ang miminsan lang bumibisita.

Sa grap 2, ay ang distribusyon ng mga respondente ayon sa edad. Apat lang ang edad dalawampu hanggang dalawampu't – tatlo (20 – 23). Habang pinakamarami ang bilang ng mga edad labing – anim hanggang labing – walo (16 – 18) na may kabuuang bilang na labing – anim (16). Samakatuwid, mas maraming kabataan na edad 16 – 18 ang may social networking akawnts kumpara sa kabataan na may edad 20 – 23. Pero inaasahan na ang ganitong resulta sapagkat nasa unang taon pa lamang ng kanilang kurso ang mga respondente.

Sa grap 3, makikita na sa dalawampung (20) respondente, lahat sila ay sumagot na nagsasabing bumubisita sila sa mga social networking sites na nabanggit. Samakatuwid, lahat ng respondente ay mayroong akawnts sa mga nabanggit na sites at marami na talaga ang nahuhumaling rito.

Makikita rin natin sa grap 4, ang pinakamabisitang mga social networking sites ayon sa dalawampung (20) respondente na nagsasabing sila ay bumibisita sa mga site na ito. Nangunguna ang facebook na may pinakamarami na umabot ng labing – siyam (19). Pumapangalawa dito ang Skype na may siyam (9) at pangatlo ang Twitter na may anim (6). Panghuli ang Yahoo at Instagram na may apat (4) at tatlo (3) ayon sa pagkasunod – sunod. Samakatuwid, mas marami ang may akawnts sa facebook kumpara sa ibang mga sites na nabanggit.

Sa grap 5, makikita ang ditribusyon ng oras na iginugol ng respondente sa pagbisita kanilang akawnts sa social networking sites sa loob ng isang linggo.Sa dalawampung (20) respondente, siyam (9) ang sumagot na nakakagugol lamang sila ng 1 – 2 oras. Pito (7) naman ang sumagot na bumibisita sila ng mahigit 3 – 4 na oras sa pagbisita sa kanilang mga akawnts. At lima (5) ang sumagot na umaabot sila ng 5 – 8 oras sa pagbisita sa mga social networking sites na nabanggit. Samakatuwid, mas konti pa rin ang oras na kanilang nauubos sa pagbisita sa kanilang akawnts kada linggo, ito ay ayon sa mga respondent. Dahil ditto, mas nabibigyan nila ng oras ang iba pang mga importanteng gawain.

Tungkol naman sa pangunahing dahilan kung bakit bumibisita ang mga respondente sa mga social networking sites na ito. May labinlima (15) ang sumagot na ang dahilan ay upang makipag – ugnay sa mga kaibigan at pamilya. Tatlo (3) ang nagsasabing upang humanap ng bagong kaibigan at 3 ang sumagot na bumibisita sila sa social networking sites upang maglaro ng mga kaugnay na obline games. Samakatuwid, pinakapangunahing dahilan pa rin ng pagbisita nila sa social networking sites ay upang makipag – ugnay sa pamilya at kaibigan kaysa sa maglaro ng mga online games.

Hinggil naman sa mabuting naidudulot ng pagbisita sa social networking sites, labing – apat (14) ang nagsabing nagdudulot ito ng mabilis na komunikasyon at impormasyon tungkol sa kaibigan, pamilya at kakilala sa pamamagitan ng status o tweets. May tatlo (3) ang nagsabing mas madali silang nakakapagbahagi ng litrato, musika at video. Bukod dito, anim (6) ang nagsabing ang mga social networking sites ay isang kapaki – pakinabang na tool sa edukasyon sa pamamagitan ng onlayn na grupo at furom. Samakatuwid, malaki ang kinalaman ng social networking sites upang mas mapabilis ang kumunikasyon ng tao sa kanilang pamilya at kaibigan at malaking tulong din ito para sa kanilang pag – aaral.

Sa kabilang dako naman ay ang mga di – mabuting naidudulot ng social networking sites sa mga respondente. Sa dalawampung respondente, sampu (10) ang sumagot na naniniwala silang ang pangunahing masamang epekto nito ay labis na oras ang nagugugol sa pagbisita sa site na ito, pangalawa ay ang kawalan ng fucos sa pag – aaral na may pito (7) at panghuli ay ang adiksyon sa mga larong kaugnay ng social networking sites na may anim (6) na bilang. Samakatuwid, dapat isaalang – alang ng mga respondente ang tamang oras upang maiwasan ang labis na paggamit nito. Para hindi maadik at masakrapisyo ang pag – aaral.

KABANATA V
LAGOM
Ang pag – aaral na ito ay nakatuon sa pagbibigay ng impormasyon tungkol sa mga mabuti at di mabuting naidudulot ng social networking sites sa mga estudyanteng nasa unang taon ng kursong edukasyon ng Gingoog Christian College.Ang pag – aaral ay gumamit ng disenyong deskriptib – analitik. Para makakalap ng mga datos, nagdisenyo ang mga mananaliksik ng sarbey – kwestyuneyr para sa dalawampung (20) respondente.
KONKLUSYON
Sa pagwawakas ng pag-aaral na ito tungkol sa pagsali sa mga Social Networking Websites, nais ilahad muli ng mga mananaliksik ang mga pag-aaral mula sa mga nakalap na mga datos. Ang pag-aaral na isinagawa ay ang paraan ng pagkuha ng pananaw sa mga piling mag – aaral ng unang taon ng kursong Edukasyon ng Gingoog Christian College sa pamamagitan ng sarbey. Napakalaking porsyento ng mga mag-aaral ang may kaalaman at gumagamit ng mga Social Networking Site. Isang simpleng dahilan ng pagkakaroon ng bawat kabataan ng Social Networking Site ay upang makihalubilo sa ibang mga tao sa internet. Sa mga uri ng Social Networking Sites, may kanya-kanya ring preperensya ang mga tao, higit na ginagamit ng mga mag-aaral ang Facebook ngayon kumpara sa Twitter, Skype at Yahoo. Ito ay tumugma sa mga unang mga pag-aaral sa Social Networking, na ang Facebook ay isa na sa pinakapopular na Social Networking Site sa Pilipinas.
Matalino pa ang mga kabataan tungkol sa kung gaano kalaki ang oras na kanilang ilalaan para sa mga SN sites pero minsan ay masyado talang nasasayang ang oras nila dito. Pero nabibigyan pa din nila oras ang mga mas mahahalagang bagay na dapat nilang unahin gaya na lamang ng pag-aaral at pakikihalubilo sa pamilya at mga kaibigan. Nagiging maingat din ang higit sa mga mag-aaral sapagkat nililimita lamang nila ang mga impormasyon na kanilang inilalathala sa internet; hindi nag-iimbita ng mga taong hindi nila kakilala.
Sa kabuuan, ang Social Networking ay may higit na mabuting naidulot sa mga mag-aaral. Napapalawak ng mga sites na ito ang kaalaman ng mga mag-aaral, napagtitibay ang relasyon ng mga magkakaibigan, nakahahanap ng bagong mga kaibigan, napagbubuti ang buhay-sosyal, nagtatagpo ulit ang mga dating mga kaibigan na matagal ng walang komunikasyon sa isa't-isa at higit sa lahat, naipapahayag sa buong mundo ang sariling ideya at pananaw sa buhay.
REKOMENDASYON

Iminumungkahi ng mga mananaliksik ang mga sumusunod na rekomendasyon:
Para sa mga mag – aaral – dapat magkaroon ng time management upang magkaroon ng pocus sa pag – aaral. Mayroong oras sa paglilibang at mayroon ding oras para sa trabaho at edukasyon. Dapat na bigyan ng prayoriti ang mga mahahalagang bagay sa buhay.
Para sa mga magulang – dapat maintindihan nila ang adbentahe at disadbentahe ng teknolohiya ngayon. May mabuting naidudulot ang social networking site lalo na sa sosyal na aspeto ng isang indibidwal. Pero dapat ding mag – ingat, dahil nakakasama ang anumang sobra.
Para sa administrador ng paaralan at mga guro – maaari nilang gamitin ang social networking sites bilang makabagong feature bilang kasangkapan sa pagtuturo.
Para sa mananaliksik sa hinaharap – maaari pang magsagawa ng mga pag – aaral hinggil sa social networking sites at ang epekto nito sa edukasyon, komersiyo at siyensya.

Pangalan: ________________________ Kasarian: __________
Edad: __________ Petsa: __________
Direksyon: Lagyan ng tsek ang kahon na angkop sa iyong sagot. Pwedeng magtsek ng maraming kahon ayon sa iyong kasagutan.
Gaano ka kadalas bumibisitasa iyong mga Social Networking accounts?
Madalas Minsan Hindi
Anong klaseng mga Social Networking Sites ang mayroon ka?
Facebook Twitter Instagram Yahoo Skype
Ilang oras ang ginugugol mo sa pagbisita sa iyong mga account sa loob ng isang linggo?
1 – 2 oras 3 – 4 oras 5 – 8 oras
Ano sa palagay mo ang pangunahing dahilan kung bakit ka bumibisita sa mga site na ito?
Upang makipag – ugnay sa kaibigan at pamilya
Upang humanap ng mga bagong kaibigan
Upang maglaro ng mga kaugnay na online games (Farmville o Cityville)
Para sa iyo, ano ang pangunahing mabuting naidudulot ang SN sites sa iyong buhay?
Mabilis na konunikasyon at impormasyon tungkol pamilya (Kaarawan, Status)
Pagbabahagi ng video, litrato at musika
Tool sa edukasyon (katulad ng mga online tests, forum, group)
Ano naman ang pangunahing di – mabuting naidudlot ang SN sites sa iyong buhay?
Kawalan ng focus sa pag – aaral
Labis na oras ang nagugugol sa pagbisita sa SN sites
Adiksyon sa mga larong kaugnay ng SN sites
Naranasan mo na ba ang makotya dahil sa post mo sa iyong account?
Oo
Hindi
Sa iyong palagay, bakit maraming kabataan ang nahuhumaling ngayon sa mga SN sites?
Nakikisabay sa uso
Nadadala sa impluwensya ng barkada
Para makahanap ng mapaglilibangan
Sa iyong sariling assessment, ano ang antas ng iyong kaalaman tungkol sa SN sites?
Alam na alam
Katamtamang kaalaman
Walang kaalaman
Sa iyong palagay, gaano kahalagang alamin ang tamang paggamit ng SN sites?
Napakahalaga
Mahalaga
Walang halaga
BALANGKAS TEORITIKAL

LISTAHAN NG SANGGUNIAN

About Classmates Online, Inc., Classmates.com, Nakuha noongFebruary 12, 2008 from
Bryan Mendoza, January 23, 2013, Pananaliksik Tungkol sa Epekto ng Social Networking Sites sa mga Tao
Dexby P. De Guzman, November 17, 2012, Pamanahong Papel – Social Networking Sites
http://www.classmates.com/cmo/about/;jsessionid=RIVWXDQ2MEVJ4CQKWZSSVRQKBK1GMIV3?s=74606&_requestid=171457,
http://www.scribd.com/doc/113603282/Pamanahong-Papel-Social-Networking-Sites#scribd
http://en.wikipedia.org/wiki/Classmates.com
http://michaelvale19.blogspot.com/2014/02/mga-epekto-ng-social-networking-sites.html
Ivaughnn.blogspot.com, February 2009, Thesis Filipino
Jean Glovio, February 27, 2013, Sarbey – Kwestyoneyr – Epekto ng Social Networking

Grap 8
Pangunahing Di - Mabuting Naidudulot ng Social Networking Sites sa mga Respondente

Grap 7
Mga Mabuting Naidudulot ng Social Networking Sites sa mga Respondente

Kompyuter
Internet
Libangan
Mapagkaka - kitaan
Grap 5
Oras na Iginugol ng mga Respondente sa Pagbisita sa Social Networking Sites Kada Linggo

Kompyuter
Internet
Libangan
Mapagkaka - kitaan
Distribusyon ng mg Respondente Base sa Kung Gaano sila Kadalas Bumisita sa mga Social Networking Sites

Grap 2
Distribusyon ngmga Respondente ayon sa Edad

Grap 4
Mga Pinakamabisitang Social Networking Sites ayon sa mga Respondente

Grap 3
Nosyon ng mga Respondente sa Pagbisita sa mga Social Networking Site

Grap 6
Mga Pangunahing Dahilan sa Pagbisita sa Social Networking Sites ayon sa mga Respondente

POSITIBO AT NEGATIBONG EPEKTO NG SOCIAL NETWORKING SA MGA KABATAAN

Recommend Documents